الأربعاء، 14 مايو 2008

اشياء لم اكن اعرفها

اشياء لم اكن اعرفها*
لم اعرف احدا فاز بشئ نتيجة عن موهبته لكني عرفت رجالا كثيرا يجيدون لعبة الحظ

لم اعرف ابدا امراءة تقبل الهزيمةولكني اعرف رجالا كثيرين يؤمنوا بالفرصة الثانية
لم اعرف احدا يعتبر نفسه خاسرا ولكني رأيتهم وهم يخسرون
لم اعرف احدا يصدق كل ما يراه ولكني دهشت عندما رايتهم يصدقون كل ما يسمعون
*لم اعرف احدا يتأك علي الحظ في مهمته ولكن عندما تتم فأنهم يقولون له حظا موفقا
لم اعرف احدا لا يكذب ولكنهم يغضبون عندما يكتشفون انه قد تم خداعهم
لم اعرف احدا توكل علي الله ورجع خائبا

‍

احتـاج اليكي

اصبح كل ما اريده
هو السعادة
واصبح كل ما احاول الحصول عليه هو السلام الداخلي
الان اعرف اني
اريدك
اريدك معي
اريدك معي تحملين همومي عني
احتاج اليكي
لكي ابكي في احضانك حينما اشعر بالظلم
احتاج اليك لكي اهرب من عالمي المخيف
احتاج اليكي لاشعر بقوتي وانا احميكي
احتاج اليكي لاشعر بضعفي عندما اجرحك او اؤذيكي
احتاج احتاج وكل ما احتاجه هو امراءة
تجمع ما تبقي مني
وتجمعني
ثانية لكي اصبح مثل باقي البشر

الخميس، 8 مايو 2008

انتظار

عندما تجلس وحيدا وسط الظلام
لا تعلم ماذا تفعل بجلوسك هناك
عندما تغمض عينيك
وتتذكر موسيقي رائعة سمعتها من قبل
حينما يهاجمك البكاء
لرؤيتك مكان ما
فاعلم انك تنتظر
تنتظر الامل الذي لا يأتي
وانت لا تعرف لماذا
ربما ضعت في ذاكرتة
او ربما لم يعرف اليك طريقا
فانت لم تعرف يوما طريقا لنفسك
هل سيأتي الامل
لا يستطيع احد الاجابة علي هذا السؤال
ولكن ما يعرفه الجميع هو انك ستظل
منتظرا

الاثنين، 5 مايو 2008

مشربتش من نيلها

مشربتش من نيلها
طب جربت تغنيلها
طب جربت تمش في شوراعها و تشكيلها
انا جربت
ولما جربت عرفت
عرفت ان دي بلدي
لا ان ليا غيرها و لا هي ليها غيري
كل شبر فيها بيوحشني بمجرد ما اسيبه و امشي
و بوعدك يا بلدي
لو فيكي حاجة غلط
انا معاكي و هغيرك و لا عمري هسيبك واسافر ولا هنساكي وهاجر
عشان بحبك
و عشان انت مسبتنيش لما كنت زعلان
و لا نيلك اداني ضهره لما جيت ارمي عليه حمولي
وزي ما كنتي جنبي انا عمري ما هطلع قليل الاصل

جنرال بيحب بلده

الجمعة، 2 مايو 2008

حياتي بلا عنوان

و انا صغير كنت بتفرج علي التلفزيون القناة التانية ايام ما كانت ق2
و تحديدا الافلام العربي كان كل ما حد يسأل طفل صغير ( نفسك تطلع ايه يا حبيبي)
معروفة طبعا يا اما مهندس يا اما دكتورو
انا كنت بموت في الافلام العربي
وكان حلمي اني اطلع مهندس ظابط دكتور
ولما كبرت خدت الاعدادية بـ 95%مهندس ظابط دكتور بقي يا جدعان حقي
و دخلت جهنم الحمرا الثـانوية العامة
طبعا مفيش بني ادام بيذاكر في اولة عادي
عدنا اولة تانية بقي يا معلم و الواد علمي و بيبخر كل يوم
الحسد وحش برده
طب تانية الواد بيذاكر و الدروس مطلعة عين .... امه
من كميا لفرنساوي لعربي لرياضة بيذاكر يا اخونا
الواد زهق من المذاكرة في اخر شهر تعب اغمن علية
دخل الامتحانات و كانت النتيجة 85%
يا نهار ابيض الواد لازم يموت
يا وليه سيبني عليه هموته
يا حاج اهدي دا انت عندك ضغط و سكر
عليا النعمة ليكمل علمي
ازاي يا حاج
اخرس انت ليك عين تتكلم
حاضر خرسنا
و يجيب 100%
طب ازاي دي بقي
ياد اخرس بدل ما اقوم اموتك
خلاص يا عمنا هكمل علمي مش مشكلة انا اساس بكره الادبي
و بعدين متخليش كبوة زي دي تأثر عليك
كملنا علمي و طحنت نفسي مذاكرة لازم احقق السنة دي مينفعش نقع
14 ساعة مذاكرة في اليوم
7 ايام في الاسبوع
4 اسابيع في الشهر
6 اشهر في السنة
بيذاكر
الواد جه في اخر شهر و تعب مش عارف يمسك الكتاب
زهقان منه بني ادام برده
و الامتحانات فيزياء رياضة 2اقتصاد و احصاء
و النتيجة 73%
نعم انت بتهزرو
الله هيا دي نتيجة
الحاج في المستشفي
موت ابوك و فضحتنا قدام الناس
و مسلسل هنادي فين يا اماي
الحاج خرج من المستشفي و اعلن حالة حداد اربعين يوم في البيت
طب ناوي عليه انا عايز ادخل كلية اداب
لا هتخش هندسة اصل الحاج مهندس كبير اوي
يا حاج حضرتك انا جايب 80%هيا الحادثة اثرت علي مخكو لا ايه
انا هدخلك هندسة خاصة هتطلع مهندس يعني هطلع مهندس
يا حاج بس انا مش بحب الهندسة
هتخش ولا اموتك
انا بحب الهندسة اوي يا حاج
ههههههههههههههههههههههههههههههههههههههههههههه
طبعا مبروحش مش طايق الهندسة وكانت النتيجة التيرم الاول شايل 6 مواد
طب خلاص يا ابني انا غلطت خش اداب السنة الجاية واقعد في البيت التيرم ده
وهكذا اصبحت من مهندس ظابط دكتور الي صايع برتبة لواء
القصة دي مش قصتي انا بس
قصة ناس كتير يا تري ايه رأئكوا فيا
موضوع قابل للنقاش